Os Zarambeques “Galiza”

Os Zarambeques son unha formación de gaiteiros que naceu no 1994 na zona de Ortegal. Os seus integrantes, de formación tradicional, proveñen doutras agrupacións, coma a Escola de Gaitas de Ortigueira ou as Cantareiras de Alende das Pontes. Cunha orixe de corte tradicional, baseada principalmente no son da gaita, o grupo foi engadindo ás súas composicións o son do acordeón e de instrumentos de vento, ademais da voz, evolucionando en son e estética cara o folk. Na actualidade están a promocionar o seu último disco, ‘Son do mare’, lanzado no 2007, que xa foi presentado na pasada edición do Festival de Ortigueira.